އޭ ދުނިޔޭގެ ދަތުރުވެރިޔާއެވެ! ވަކިމަޤުޞަދެއްނެތި މަގު ހިނގާމީހާއެވެ!
ދުނިޔެ ހޯދުމަށްޓަކައި ދީން ވިއްކާލާ ފާސިޤުމީހާ ގަނޑާއެވެ!
ކަލޭގެ މިސާލެއް ނުވަތަ ބުނާނެ އެއްޗެއް ނޭނގެއެވެ.
ގޮނޑުދޮށުގައިވާ ފަންގެއަކަށް ބޮޑު ރާޅުޖެހުމުން ލިބޭ ގެއްލުމަށް ވުރެ ކަލޭގެ ގެއްލުން ބޮޑެވެ.
ކިޔެވި ހުރިހާ އެއްޗެއްގެ ބޭނުމަކީ ކޮބާހެއްޔެވެ؟
ކަލޭގެ ދަތުރުގެ ދުރުމިން ކަލެއަށް ނުވިސްނެނީ ހެއްޔެވެ؟ އޭ މިހިރަ އަނިޔާ ވެރިޔާއެވެ!
ﷲ ތަޢާލާގެ ނިޢުމަތްތަކަށް ކުފުރު ތިވަނީ ކެރިހުރެގެން ހެއްޔެވެ؟
ޢުމުރަކީ މަޙްދޫދު އެއްޗެކެވެ. ކަލެޔާ ބެހޭގޮތުން ބުނަނީ ކީކޭ ހެއްޔެވެ؟
އެންމެ އޯގާތެރި ދޫނި ސޫތްޕާ ސޫފި އަދި މަސްމަހާ މެހިވެސް ކަލެއަށް ބަދު ދުޢާކުރާނެއެވެ.
ހުރި ހިތާމައެއްގެ ބޮޑުކަމާއެވެ. ހުރި ޖާހިލު ކަމެއްގެ ބޮޑުކަމާއެވެ.
ކަލޭގެ އަމިއްލަ ނަފުސާމެދު އެންމެ ލަމްޙާ އެއްވެސް ވިސްނާލާށެވެ.
ހިތާމައިގެ ކޮޅެއްނެތެވެ. އޭ މިހިރަ ދީވާނާއެވެ! މޮޔަ މީހާ ގަނޑާއެވެ!
ކަލޭގެ ޢުމުރު ހޭދަކޮށްލީ ތިޔަ ގޮތުގައި ކަން ހަނދާން ކުރާށެވެ!
ނަރަކައިގެ އަލިފާނަށް ތައްޔާރު ވާށެވެ! ދިރިހުއްޓަސް ކަލެއަކީ އަލިފާނުގެ ރަށްވެއްސެކެވެ. ފުރާނަ ހުއްޓަސް ކަތިލެވިފައިވާ މީހެއްކަން ހަނދާން ކުރާށެވެ!
އޭ އަނިޔާވެރިޔާއެވެ! ވަތުތު އެބައޮތެވެ. އިޚްތިޔާރު އެބައޮތެވެ.
ބޭނުން ގޮތެކެވެ. އަނިޔާ ހެއްޔެވެ؟ އިޙްސާން ހެއްޔެވެ؟ ނުވަތަ…………
އޭ އިންސާނެއްގެ ދަޢުވާ ކުރާ ދިވެއްސެއްކަމަށް ފަޚުރުވެރިވާ ކުށްވެރިޔާއެވެ! ތައުބާގެ ދޮރު އެބައޮތެވެ. ދޮރުތައް ހުރީ ހުޅުވިފައެވެ. ބޭނުން ދޮރަކުން ވަންނާށެވެ. ނަމަވެސް ވިސްނާލައިގެންނެވެ. ނުވަތަ ހިތާމައެވެ.
Posted by fagudi 
