ގުރުއާން ކަމުނުގޮސްގެން އުޅޭ ޑިމޮކޮރަސީ އަދާލަތައް
އޭ ޢަދާލަތު ޕާޓީއެވެ! ކަލޭމެންގެ މަޤްޞަދަކީ މިތަނުގައި އިސްލާމްދީން ޤާއިމު ކުރުން ހެއްޔެވެ؟ އަދި ނަބިއްޔާ އާއި ޞަޙާބީންގެ މަންހަޖުގެ މަތީގައި މިތަނުގައި އަދުލު އިންސާފު ޤާއިމު ކުރުން ހެއްޔެވެ؟ އަދި ކުފުރު ޑިމޮކްރަސީގެ ދަށުން ޙިކުމަތު ޢަމަލީން ސިޔާސީ ޕާޓީ ހަދައި މިރާއްޖޭގައި އިސްލާމީ ވެރިކަމެއް ކުރުން ހެއްޔެވެ؟ ދަންނާށެވެ! ފަހެ ތިހެން ކަމަށްވާނަމަ،ހަމަކަށަވަރުން، ކަލޭމެންނަކީ މަންހަޖުގައި މަގުފުރެދިފައިވާ ބައެކެވެ. އަދި އިބްރާހީމް ޢަލަހިއްސަލާމްގެ މިއްލަތާއި ދިމާއިދިކޮޅުވެގެން ތިބި ސޭކުންތަކެކެވެ. އަދި ނަބިއްޔާ އާއި ޚިލާފުވެ އަމިއްލަ އެދުމާ ތަބާވެގެންވާ ބިދުޢަވެރިންތަކެކެވެ.
ފަހެ،ކަލޭމެންނާއި މެދު އަހަރެމެން މިހެން މިގޮވާލަނީ، އީމާންކަމާއި ކުފުރުގެ މައްސަލަތަކުގައި ކަލޭމެން ނަބިއްޔާ އާއި ޞަޙާބީންނާއި ޚިލާފުވެގެން ވާތީ އެވެ. އަދި ދީން ޤާއިމުކުރުމަށޭ ކިޔައި ކަލޭމެން ތި ޢަމަލުކުރާގޮތަކީ އަދި ހިނގާމަގަކީ ދީން ޤާއިމްކުރެއްވުމައްޓަކައި ނަބިއްޔާ އާއި ޞަޙާބީން ޢަމަލުކުރެއްވި ގޮތާއި ހިންގެވި މަގާއި މުޅިން ތަފާތުވެގެންވާ، ޚިލާފު ވެގެންވާ ކަމެއްކަމުގައި ވާތީ އެވެ. އަދި މިއްލަތު އިބްރާހީމް އާއި ދިމާ އިދިކޮޅުވެގެންވާ، ހަވާނަފްސުގެ ތެރެއިންވާ ކަންތައްތަކެއް ކަމުގައި ވާތީ އެވެ. ހަމަކަށަވަރުން، ދީން ޤާއިމް ކުރެއްވުމައްޓަކައި އެބޭފުޅުން ޤާއިމްވެ ތިއްބެވީ އިބްރާހީމް ޢަލައިހިއްސަލާމްގެ މިއްލަތުގެ މަތީގައެވެ. އެމިއްލަތަކީ ނަބިއްޔާ އާއި ކަލޭމެންނަށްވެސް ތަބާވުމަށް ﷲ އަމުރުކުރެއްވި މިއްލަތެވެ. އެމިއްލަތަކީ ޠާޣޫތުންނާއި އެމީހުންނަށް ތަބާވާ މީހުންނަށް ތަކްފީރުކޮށް،އެމީހުންގެ ކިބައިން ބަރީޢަވެގެންވާ މިއްލަތެވެ. އެމީހުންނާއި ޢަދާވާތްތެރިވެ،ރުޅިވެރިކަން ދަމަހަށްޓާ ޠާހިރު މިއްލަތެވެ. އަދި އެމިއްލަތަކީ މިހާރުވެސް އިސްލާމްދީން ޤާއިމްކުރަން މަސައްކަތްކުރައްވާ ޢިލްމުވެރިންނާއި މުޖާހިދުން،އެމިއްލަތެއްގެ މަތީގައިވާ މިއްލަތެވެ. އެކަމަކު،ކަލޭމެން ތި ތިބެނީ ޠާޣޫތުންގެ ކާފަރުކަމާމެދު ޝައްކުކޮށް،ޠާޣޫތުންގެ ކިބައިން ބަރީޢަވެ ނުގަނެ،ޠާޣޫތުގެ ކުފުރުގައި ސިޔާސީ ޕާޓީ ރަޖިސްޓްރީކޮށް،ޠާޣޫތުންނާއި ގުޅިގެނެވެ. ކަލޭމެން ދެކޭގޮތުގައި މިރާއްޖޭގައި ޠާޣޫތުން ނުވެސް އުޅޭނޫންހެއްޔެވެ؟! އެކަމަކު، ކަލޭމެން ތިވަނީ އަހުލުލްސުންނަތުގެ މީހުންނާއި ޚިލާފުވެ،ދެކޮޅުވެރިވުމުގައެވެ. ސުންނަތުގެ އަހުލުވެރިންގެ މަންހަޖާއި އުސޫލަކީ ބާތިލް،އަދި ހައްދުފަހަނައަޅާފައިވާ ގޮތެއްކަމުގައި ގޮވާލުމުގައެވެ. ފަހެ،ކަލޭމެން ތިލަފާކުރަނީ ކުފުރު ޑިމޮކްރަސީގެ ދަށުން،ޕާލިމެންޓުގެ ގޮނޑިތަކުގެ މަތިން، ނަބިއްޔާ އާއި ޚިލާފުވެ، ނަބިއްޔާގެ ދީން ޤާއިމްކުރެވޭނެ ކަމަށްތޯއެވެ؟
ޚަބަރުދާރެވެ! ކަލޭމެންނަށް ހަލާކު ހުއްޓެވެ! ހަމަކަށަވަރުން،ކަލޭމެންނަށް ތިލިބިފައިވާ ޑިމޮކްރަސީގެ ދަށުން ޕާޓީހެދުމުގެ ފުރުސަތުތައް މިހާރުގެ ޢިލްމުވެރިންނަށްވެސް ލިބިފައިވެއެވެ. އެހެނެއްކަމަކު، ކަލޭމެންގެ ތި އުސޫލަކީ ކަލޭމެން ކިތަންމެ އޮޅުވާލަން މަސައްކަތްކުރިއެއްކަމަކު ބާތިލް އުސޫލެއްކަމުން، އަދި މިއްލަތު އިބްރާހީމް އާއި ދިމާ އިދިކޮޅު ކަމެއްކަމުން، އަދި ނަބިއްޔާ އާއި ޞަޙާބީންގެ މަންހަޖާއި ޚިލާފުވެގެންވާ މަންހަޖެއްކަމުން، އެބޭފުޅުން ތިގޮތް ޤަބޫލެއްނުކުރައްވައެވެ. އެހެނެއްކަމަކު، ﷲގެ ދީން ޤާއިމު ކުރުމަށްޓަކައި އެބޭފުޅުން ނުކުންނެވީ ޠާޣޫތުންނާއި އެބައިމީހުންނަށް ތަބާވާ މީހުންނާއި ދެކޮޅަށް ހަނގުރާމަ ކުރެއްވުމަށްޓަކައި މައިދާނަށެވެ.
ފަހެ، އިސްލާމީ އުއްމަތަށް ކުރިމަތިވެފައިވާ މިޙާލަތުގައި ކާފަރުންނާއި ދެކޮޅަށް ހަނގުރާމަކުރުމަކީ ފަރުޟު ޢައިނެއްކަމަށް ސަލަފުންނާއި ޚަލަފުން، އަދި މަޒުހަބުތަކުގެ ފުޤަހާއިންނާއި، އަދި މުޙައްދިޘުންނާއި، މުފައްސިރުން އިސްލާމީ ތާރީޚުގެ ހުރިހާ ޒަމާނެއްގައި އެއްބަސްވެ އިއްތިފާޤު ވެގެންވެއެވެ. މިޙާލަތުގައި މައިންބަފައިންގެ ހުއްދަނެތި ދަރިންނަށް، ފިރިމީހާގެ ހުއްދަނެތި އަނބިމީހާއަށް، ދަރަނިދޫކުރި މީހާގެ ހުއްދަނެތި ދަރަނިވެރިޔާއަށް ޖިހާދަށް ނުކުމެވޭނެއެވެ. އަދި ކާފަރުން ވަދެފައިވާ ބިމުގެ އަހުލުވެރިންނަށް އަދި އެތަނާއި އެންމެ ގާތުގައިވާ މުސްލިމުންނަށް އެއްވެސް ބާވަތެއްގެ އެއްވެސް ކަމަކާހުރެ ކާފަރުން ބޭރުނުކުރެވޭނަމަ ދެން އެންމެ ގާތުގައި ޖެހިގެންތިބި މުސްލިމުންނަށް ޖިހާދު ފަރުޟު ޢައިނަކަށް ވެއެވެ. އަދި އެއްވެސް ބާވަތެއްގެ އެއްވެސް ކަމަކާހުރެ އެމީހުންނަށްވެސް ކާފަރުން ބޭރުނުކުރެވޭނަމަ، ދެން އެންމެ ގާތުގައި ޖެހިގެންތިބި މުސްލިމުންނަށް ޖިހާދު ފަރުޟު ޢައިނަކަށް ވެއެވެ. ފަހެ، މިގޮތުންގޮސް ކާފަރުން ބޭރުނުކުރެވޭނަމަ ޖިހާދުގެ ފަރުޟު ޢައިން ވައްބުރެއް ވައްކޮށް ބޮޑުވެގެންދާ ސިފައިގައި މުޅިދުނިޔޭގެ ހުރިހާ ހިސާބެއްގައިވާ މުސްލިމުންގެ މައްޗަށް އެޅޭނެއެވެ.(ބައްލަވާ: “އައްދިފާޢު ޢަން އަރާޟިލް މުސްލިމީން”).
އަދި ޢިލްމުގެ ފޭރާންލައިގެންހުރި މުރުޖިއާއެއް މެނުވީ އެބޭފުޅުންނާއި ޚިލާފުވެގެން ނުވެއެވެ. އަނިޔާވެރި މުލްޙިދެއް މެނުވީ އެބޭފުޅުންނާއި ދެކޮޅުވެރިވެގެން ނުވެއެވެ. ވީމާ، ކަލޭމެންގެ ނިޔަތަކީ އިޚްލާސްތެރި ނިޔަތެއްކަމުގައިވާނަމަ އެބޭފުޅުންނާއިއެކު ކަލޭމެން ނުނިކުންނަންވީ ކީއްވެގެންތޯއެވެ؟ ނޫނީވިއްޔާ އެބޭފުޅުންނަށްވުރެ ޢިލްމުވެރިކަމުގެ ގޮތުން ކަލޭމެން މާބޮޑުވެގެންވަނީ ހެއްޔެވެ؟ ނުވަތަ އެބޭފުޅުންނަށްވުރެ ޙިކުމަތުގެ ގޮތުން ކަލޭމެން މާ ޙިކްމަތްތެރިވެގެން ވަނީހެއްޔެވެ؟ އަދި އެއީ ޒަމާނުގެ ގޮތްތަކަށް ރިޢާޔަތްކޮށް ދީނަށް ނަޞްރުދިނުމުގައި އެބޭފުޅުންނަށްވުރެ ކަލޭމެން މާ ކުޅަދާނަވެގެން ވާތީހެއްޔެވެ؟ އެހެންނަކުންނޫނެވެ! ކަލޭމެންނަކީ ހަމަ ޙަޤީޤަތުގައިވެސް ވަރަށް ޖާހިލު ބަޔެކެވެ. ވަރަށް އަނިޔާވެރި ވަރަށް މަކަރުވެރި،ފިނޑި ބަޔެކެވެ! ދިވެހިންގެ ތެރޭގައި ތިބި ސުންނަތުގެ އަހުލުވެރިންނަށް ކަލޭމެންގެ މަގުފުރެދުމާއި ބާތިލްކަން ފަޅާއަރައެވެ.
ދެންފަހެ،ކަލޭމެން ބުނަނީ އަހަރެމެންނަކީ ކިޔަވައިގެންތިބި ބައެއްނޫންކަމަށެވެ. އަދި ސެޓްފިކެޓެއް އޮތް ބައެއްވެސް ނޫންކަމަށެވެ. އެކަމަކު، ކަލޭމެން ތިބުނާ ބަހުގައި ކަލޭމެން ތަޢާރުޟުވެއެވެ. ފަހެ،ކަލޭމެން މަގުފުރެދުމަށް ގޮވާ ޑރ.އަފްރާޝީމްގެ ބަސް ކުށްވެރިކުރަނީ ކޮންސަބަބަކާއި ހެދި ހެއްޔެވެ؟ އަދި ޠާޣޫތު މައުމޫނާއި، މަގުފުރެދިފައިވާ ސޭކު އުއްތަމަ ފަނޑިޔާރުގެ ބަސް ކުށްވެރި ކުރަނީ ކީއްވެގެންހެއްޔެވެ؟ ފަހެ، އެމީހުން ނުކިޔަވާތީހެއްޔެވެ؟ ނުވަތަ އެމީހުންގެ އަތުގައި “މަތީ” ސެޓްފިކެޓެއް ނެތީމާހެއްޔެވެ؟ ނޫނެކެވެ! ފަހެ، އެގޮތަށް ކަލޭމެން ކަންތައްކުރަނީ އެމަގުފުރެދިފައިވާ މީހުން އެބުނާ ބަސް ބާތިލްވީ މައެވެ. ހަމައެފަދައިން، އަހަރެމެންވެސް ކަލޭމެންގެ ބަހާއި ކަލޭމެންގެ ޢަމަލު ކުށްވެރި ކުރަނީ އަދި ބާތިލްކަމަށް ގޮވާލަނީ، އަދި ކަލޭމެން ވަނީ މަގުފުރެދިފައިކަން އަހަރެމެންނަށް ކަށަވަރުވަނީ ޤުރުއާނާއި ސުންނަތާއި ކަލޭމެން ޚިލާފުވެގެންވާތީއެވެ. ސަލަފުއްސާލިޙުންނާއި، އޭގެ ފަހުން އައި ޢިލްމުވެރިންނާއި، މިހާރުގެ ޢިލްމުވެރިން ކަލޭމެންގެ ބާތިލްކަން ބަޔާން ކުރައްވާތިއެވެ.
އޭ މަންހަޖުގައި މަގުފުރެދިފައިވާ އަނިޔާވެރި ޕާޓިއެވެ! އޭ ޖާހިލް ޝަހީމެވެ! އޭ އަނިޔާވެރި ޑރ.ޢަބްދުލް މަޖީދެވެ! ﷲ ތަޢާލާ ގަންދީބުނަމެވެ. މީސްތަކުން މަގުފުރެއްދުމުގައި ކަލޭމެންގެ ދޫތަކާއި އަތްތައް ނުހުއްޓައިފިނަމަ، ވަރަށް އަވަހަށް އަހަރެމެންގެ އަތްތައް ކަލޭމެންނާއި ދެކޮޅަށް ތޫނުކުރާނަމެވެ!
އޭ ޢަދާލަތު ޕާޓީގައި ތިބި އަހަރެމެންގެ އަޚުންނާއި އުޚްތުންނޭވެ! މަންހަޖުގައި މަގުފުރެދިފައިވާ ތި އަނިޔާވެރި ޕާޓީން އަވަހަށް ވަކިވުމަށް ނަސޭޙަތްތެރިވަމެވެ. އަދި ތި ދޮގުވެރި، މަކަރުވެރި ޕާޓީން ބަރީޢަވުމަށް ވަޞިއްޔަތްކުރަމެވެ. ހަމަކަށަވަރުން، ނަޞްރާއި ކާމިޔާބު ލިބުންވަނީ ނަބިއްޔާގެ މަންހަޖުގެ މަތީގައިކަން ހަނދާންކޮށްދެމެވެ.
އައްސަލާމް އަލައިކުމް . އޭ ލޮބުވެތި އަހުންނާއި އުހްތުނޭ! މިކަހަލަ ލިޔުންތައް ލިޔާނެ އިތުރު ކުދިން މިވަގުތު މިއުއްމަތައް ވަރަށް މުހިއްމު.